JUPAS你問我答：大學讀xxx科會唔會乞食？

大家可能睇得連登太多，成日都聽到某一科會乞食、人工低之類。當然專業科畢業生就業率同人工相對較高，但唔代表非專業類嘅科唔值得揀。因為每一個人嘅能力、興趣同目標唔同，無論讀咩科都好，你嘅前途是否美好取決於你嘅大學成績同exposure。

好簡單，你讀一啲所謂嘅乞食科，但First Hon 畢業，上埋Dean List ，可能仲易搵工過一個Law冇hon 畢業+ 冇考PCLL嘅學生另外，大學時搵嘅intern 同參加活動累積嘅CV比你讀咩Major重要得多，如果你搵到大公司嘅intern/參加多ECA，Build up自己CV，未來更加容易搵到適合自己嘅工作。

所謂嘅乞食科唔係科嘅問題，而係人嘅問題，公司好少睇你讀乜，更加睇你成個人嘅Package (Intern/ECA/有冇專業資格 etc.)所以，揀你有興趣 (但比人叫乞食) 嘅科，讀得開心成績好啲又多啲機會，出到嚟嘅前途可能比起夾硬揀啲「睇落出路好」嘅科，唔好因為嗰科比人話乞食就放棄自己鍾意嘅嘢！

2024dser #jupas