top of page

Study leave 去邊度溫書好 ?四大公眾自修室外溫書好去處

相信大家都差唔多開始放Study Leave,作為你最後衝刺嘅時間,必須要有好完善嘅溫習策略從而幫助你係最後關頭升到最多分,依幾日就會開始分享在溫習策略同注意事項!

⚠️喺武漢肺炎疫症肆虐之下,全港嘅公眾自修室已經關閉,令到唔少同學冇地方溫書!今日就同大家分享下除咗公眾自修室外,可以溫書嘅地方。

1️⃣ 樓上自修室

其實喺尖沙咀同銅鑼灣呢啲地方,有唔少嘅樓上自修室俾人租用,呢啲地方都係好安靜嘅同埋有好多空位。

✅ 優點:安靜,一定有位,有嘢食同埋嘢飲,有printer同電腦可以搵past paper用。

❌ 缺點:好貴,我睇過一個月要成2000幾蚊,如果你經濟能力容許嘅,我會建議你租一個月嘅plan。

2️⃣ 樓上Cafe

比起樓上自修室,樓上Cafe嘅支出就比較平,只要你買返一兩杯嘢飲,就可以喺嗰度坐成日。

✅優點:相對冇咁貴,係除咗屋企之外嘅好選擇

❌缺點:有時可能會比較嘈吵,張枱未必係for溫書用,未必放到咁多嘢

3️⃣ 社區中心自修室

係疫情之下,可能仲有一啲社區中心嘅自修室係維持開放,大家可以上唔同嘅網站睇吓屋企附近有冇社區中心嘅自修室開放。

✅ 優點:通常免費,只要你俾咗嗰個會嘅會費就得。氣氛較為安靜。

❌ 缺點:可能隨時有機會會關閉

4️⃣ 屋苑會所

其實唔少私人屋苑嘅會所都有自修室,但你可能未必知,所以你可以睇下有冇同學住嘅屋企樓下嘅會所有自修室,可以請佢帶你入去溫。

✅ 優點:衛生情況較好,通常有專人清潔。人流較少,通常只有2020考生會喺度溫書。而且設施通常較好,張枱夠大,間房夠光猛。

❌ 缺點:如果唔係住客,要人帶入去。

最新文章

查看全部
未考學校Mock 嘅你一定要留意!考學校Mock 心態

喺武漢肺炎激情之下,好多學校都將中六嘅轉成網上考試,仲有好多同學要三月初先開始考,考完都三月中啦。好多同學仲話延遲左嘅學校打亂晒佢哋所有溫書嘅schedule,所以—— 唔好當佢係Mock,當佢係練習! 考試同做練習係兩種唔同嘅心態,考試嘅話,你每日考嘅嘢都唔同,所以你前一...

 
 
 
最後三十日,如何準備DSE

你到最後30日,唔少都分享左係最後嘅關頭點樣準備公開試,方法有好多,見唔同嘅人亦都有唔同嘅方法去溫書,今日我唔係想分享自己點樣溫書,而係想同大家整合下究竟係揀唔同溫書方法嘅時候,有啲乜嘢嘅準則。 1️⃣ 搵清楚你嘅需要 ...

 
 
 
收到Predict Grade 未? 面對Predicted Grade的重要心態

去到三月,好多同學會透過做Mock卷、學校Prediction 同埋參架出面mock嚟獲得Predicted grade,而收到predicted grade 嘅大家都會被佢影響心情,今日就同大家分享下點樣預測自己嘅成績 + 調整自己嘅心態啦。🥰 1️⃣ Predict...

 
 
 

Comentários


bottom of page