.jpg)
如何令自己考試無咁緊張
- dse freegiveaway
- 2020年4月6日
- 讀畢需時 2 分鐘
大家準備咗三年，但成績就取決於個幾鐘之內，所以大多數人行入考場都會好緊張，尤其考場入邊嘅氣氛非常嚴肅，陰風陣陣，好多時都會開冷氣開到好大，更加會令到同學打晒冷震，影響臨場發揮。所以，今日就同大家分享下點樣係臨場考試令自己冇咁緊張！

1️⃣ 視察環境
大部份同學都唔係佢自己學校考試，所以，你係3月30號係去到一個陌生嘅地方，係唔熟悉
嘅環境之下考你人生入邊最重要嘅一個試。 試場好多嘅因素會影響你嘅發揮：燈光、陽光、溫度、位置、聲音⋯⋯所以，我建議同學係考之前做兩樣野：
視察環境，我係建議同學親身去考場附近行過圈，感受下嗰度嘅環境，例如睇吓附近會唔會有啲工程做緊，或者禮堂嘅位置會唔會好曬，依樣野其實係你探路嘅時候同時可以做埋咁樣你就可以預計自己大約會係一個咩環境入邊做卷。
上網睇下：可以上你準備去嗰間學校嘅校網睇吓佢禮堂嘅環境係點，例如我之前去考嗰間，佢禮堂係會有好多嘅陽光入到黎，但有啲學校禮堂係完全冇窗，所以係冇陽光，喺唔同嘅光線之下做卷係完全唔同。所以我建議同學可以花5至10分鐘嘅時間搵下資料先
2️⃣ 模擬考試場景
我建議同學喺考試之前模擬考試嘅所有步驟，例如準備好一份最似公開試嘅試卷，播考評局考場宣布嘅錄音，修好晒電話，攞嚟考試真係需要嘅文具出嚟，真真正正咁模擬一次成個考試嘅程序，咁樣你就會熟習考試嘅過程，唔會因為第一次考而緊張。
我自己就會準備考評局嘅materials，例如做MC時用佢嘅MC answer sheet，買定加紙用嘅「綠色小繩」，呢啲係你考試時候會真正收到嘅Materials，用一次先，咁就唔使擔心到時唔識綁啦！

Comments