通識Top Tips：點樣學一啲深嘅概念？

正如我之前都講過，通識擺高分嘅其中一個因素就係要用啲深嘅Concept，但係點樣先學到深嘅Concept? 今次就同大家分享吓學「加分」concept嘅方法~☺️

1️⃣ 睇新聞 🤣

叫人睇新聞學通識好似講廢話咁，但睇新聞的確係學Concept嘅最快方法。但我少睇香港本地嘅報紙，反而會睇國際新聞，例如BBC/NYT，亞洲嘅話我會睇關鍵評論網，中國嘅話可以睇新華社，好多中國政策嘅名都可以嗰到搵到。以上嘅網站嘅分析比較詳盡，學到嘅 concept更多~

2️⃣ 睇政策報告

想知多啲關於香港嘅政策，可以睇特首每年嘅施政報告，財政司嘅財政預算案，依啲報告嘅原文其實會包含唔少概念，仲有就係所有政府文件一定係中英對照，所以對中英文嘅同學都好方便。

3️⃣ 雞精書/補習筆記

大部分嘅雞精書嘅Concept都係比較簡單，所以唔建議同學睇，同埋睇雞精書嘅時候你個腦同一時間要記好多概念，未必每個都記得入腦。如果有補習筆記嘅話同學可以溫，大部分概念都係有用同詳細嘅。

最新文章